آخر الليل موطن للشعور الغريب
وأول الليل جمر من الشفق لا انطفى
لو توقعت نجمي تاليته المغيب
ما تقشت المساري فوق صم الصفا
ليه الوم القدر.. ولا اتبلى النصيب
ما اختفينا ولكن الشعور اختفى
من تخير فراقي ما اعتبرته حبيب
كان يعبث بقلبي لين مل وجفى
ايه احبه وباقي لين راسي يشيب
من محبة وضوح إلى محبة خفا
لا تقول الكرامة وان في الحب عيب
لا تعمدت حب مصارحك بالجفا
في زمان الاطبا.. من طبيب لطبيب
كل ما زاد شي ابعد عن الاكتفا
اللي اللي عطاني قلب ما فيه غيب
وامرضه بالغرام، ولا اسعفه بالشفا

عفاس بن حرباش