يا شبيه النور لا منه تسلّل
للمكان اللي تغطيه الستاير
أنت رمشك مثل ما يذبح.. يضلّل
فيه ميلاف الحنون وفيه ثاير
والجديل اللي على الغض يتذلل
كان ماله ذنب وشلون يتطاير
السما تمطر والأزهار اتبلّل
لا ضحك وجهك عقب هل العباير
حتى دمعاتك تسلّي ما تملّل
ما تخلي من عطاك القلب حاير
أنت ما ينقال لك إلا تدلل
الدلال اللي تغذيه الضماير
كل حبٍ ما عدى حبّك تحلّل
ما بقي مشيوف منه ولا سراير
يوم أكبّر لا انكشف وجهك وأهلل
كتي المهموم لا جته البشاير
لا تلوم الصمت لا كثّر وقلّل
رحت معك وجيت مدري ويش صاير