بارك الله فالفراق اللي كشف موهبتي
يوم أنا داله عن الساحه وعن مافيها

صرت شاعر من معاناتي وسبة كبتي
وصارت الساحه تحييني وأنا أحيها
وكل مسرف فالغياب اللي على غايبتي
اكشف الغيبة على الاوراق واغنيها
ناظري يالغايبة من غيبتك وش جبتي
صرت أصبح بعدك الأحزان وامسيها
وغيبتك ذنبٍ ما يغفر غير لامن تبتي
وتوبتك لا رجعتي البسمه على راعيها
بعد ماغبتي وانا اغني بعد ماغبتي
والأماني من دموع عيوني اقهويها
ومن سأل وشفيك وجهي يخبره باجوبتي
الملامح تفضح الرجال لو يخفيها
فالمحبه مدري لها الحين وش عاقبتي
وغيبتك مدري بعد للحين وش تاليها
كم أنا مشتاق لعيونك .. ليا رحبتي
السوالف من عيونك تسعد محاكيها
هو متى أشوفك وافرق جمعتي من سبتي
لأجل أدور ضيقة الأيام واذكيها

وانتصر على الليالي وانجح بتجربتي
والبيوت اللي على غيابك ماعاد اطريها
وأوعدك حبك يبي يبقى فسد رقبتي
لين ماروحي تفيض وترجع لباريها