لا توصفني الدكتور والصيدليه
وانت تدري وش علومي وتعرف علاجي
والله ان قدلي الى اليوم.. ثالث ضحيه
اتصنع وسع صدري وضحكة حجاجي
اتظاهر بقوي فالظروف القويه
وابتسم رغم حرماني وقو احتياجي
ليت قلبي حديد وليت نفسي جريه
في مواجه مقادير الزمن الازدواجي
صار حتى القصيد اللي طروقه عذيه
أكبر أسباب ضيقة خاطري وانزعاجي
ودي أغيب وأبعد فالفجوج الخليه
وأنقطع مع طريق الانقطاع المفاجي
فاقد الضحك والهاجوس والمعنوية
كبر فقد العواجي في عوال العواجي
بعض الأحيان لولا الصبر والجاذبيه
يمكن أطير من نفسيتي وانحراجي
والصبر فالهوا وأموره العاطفيه
اصعب امن الصبر على الرفيق المزاجي
والمحب السحاوي طرقته مهمهيه
ينقطع في رجاها كل ممل وراجي
تحزنه جرة المنكوس والراعبيه
والهوا اللي يحرك كل ساجع وشاجي