على دربهم تذرف مدامع وينبت شوق
ومع كل خطوة . الله أكبر .. وتسبيحه
ما سمّوا علي من بطش جرح وقساوة عوق
وأنا من رهن عمره على شان تلويحه
تخيّرني الأيام وأقول كلك ذوق
وإلى قصرت ما قصّر الوقت تجريحه
لك العافية ياللي ما فوق التراب وفوق
عروش الغلا غيرك .. من السقم والطيحة
لا يسرق فرح وجهك ألم جسمك المخلوق
محبة ومن نفحة رضا الله .. ومن ريحه
تقوّ وتصبّر وأنت وضعك ما هو بـيلوق
عليه الحزن لو أن له فالسماء ضيحه
وأنت اللي تعرف البيد والمرقب الشاهوق
مساري قدم رجلك وجرّة مساريحه
إي والله حزين وكيف أبسلا وكيف أروق
وأنا من فقد فالليل الأظلم مصابيحه
لا ضاع الكلام وضاع صوت الغلا المخنوق
عسى ما يضيع الصبر وأفقد مفاتيحه