الضيييقة! اللي تمرّ الصدر واتعدّي
مرّتني البارح! وعيّت.. تعداني!
يوم احضنتني وشدّت يدها يدّي
آمنت بـ ان "الوجع" يمكن يجي حاني!
منه أعرّف اللي معي وآعرف من ضدّي
لو كنت مـ اشره على مخلوق من داني
يشوم قلبي عن اللي فيه متردّي
لو أنه بيوم كان أقرب من إخواني!
يا كيف في "يوم" ألاقي صاحبي/ ندّي!
صدمه! عطتني دروس الوقت مجاني
وأصبحت كني بحر في جزري ومدّي
أضيع فيني! وادوّرني! ولا القاني!
أساير الوقت لو دمعي جرح خدّي
مدري! على وين "حسن الظن" وداني؟

عيوف