آه واقلبي اللي طاح له في غرير
طاح والظاهر اني ناسٍ البسمله
في هوى اللي هواه اومى بقلبي عصير
الين حطم طموحاته ومستقبله
مترفٍ يده انعم من انعم حرير
والحلا رابط ٍ بينه وبينه صله
ريحة انفاسه ازكى من زكي العبير
كلما ابطيت عنه ازدت شوق ووله
يتغلي وقلبي شره المستطير
بالغلا والتغلي كلهن مادله
وينحرج لاتقابلنا لك الله ماغير
شوف عينه فالارض وشوف عيني كله
هو جديد الهوى وانا سواة الخبير
والهوى مايطاول سقمه الآ هله
ومستجد الهوى نفسه تقل نفس طير
اي حاجه بسيطه تافهه تزعله
ينتداري مداراة الحوار الصغير
آن روى مشكله وان ماروى مشكله