الشعر في نضرتي مثل المبادي
احفظه واغليه لو انه تئول
شاعر وماني بهیم بكل وادي
ما أهيم الآ بممنوع التجول
الهموم ان ان جتني .. من عنادي
جعل فالي ما هو بفال المهول
ليلي البارح مثل ليل المهادي
والله ان كني عن العالم مخول
انت ياللي عندك الأبيض رمادي
ليتني والله تعديتك من اول
قالو الموضوع طول قلت عادي
قلت عادي لكن الموضوع طول
قول لا يحاداك على الكذب حادي
يصغر الرجال .. لامنه تقول
الحليم يعلم البعض التمادي
والكريم يعلم البعض التسؤل
الضعيف ضعيف من قداه غادي
كل ما قلنا له اطلع فوق حول
النصایح فالخبل مثل العيادي
تنفعه يومين لكن ما تطول