طال الغياب الّي مزوّد غلا الشوق
الله ياكثر الحزن في غيابه!!
ماكن باقي بعد ما غاب مخلوق
وكني غريبٍ جر قوس الربابه!
من سبته حملني الطاق مطبوق
وذوب سؤالي في كفوف الاجابه
لا عاد لا ريّح ولا هدى ولا روق
دايم على بالي وحسب حسابه
ولا عاد احس لما بقى في الهوى ذوق
غريب لو ما فـ لبسيطه غرابه
ولولاي عارف كل مطرود ملحوق
ورجاي فالي ما يخيب الرجابه
جمعة له كل الهدايا بصندوق
وحطيت له حارس وصكيت بابه
لكن بعد حسيت في قلبي احروق
والياس خيم فالضمير ولجابه
وغنيت له بشعر طاروق طاروق
وكتبت له بحلى حروف الكتابه
ورفعت مقداره عن اهل الهوى فوق
وسقيت من صاف الضماير ترابه
جاني. وكني توي احس وفوق
وقول له من قلب يا مرحبابه
يا مرحبا عداد ما نبت زملوق
القلب بيتك لولي لا تهابه
خلك هنا. فالقلب يا عز مخلوق
مثلك. حرام انه يطول غيابه