ما اتصنع نبرة الحزن لاقلت البيوت
انتظارك يا مصور لضحكاتي سُدا
ودي اضحك لين يسمع لي اهل الحي صوت
میر هذا شي مالك ولالي به جدا
البلا اني لاني اقشر ولا طبعي مقوت
الا تفسرها براسك الى ما له مدی
لكن اني شفت لي حاجتين في السكوت
حفظ لطول الصداقه، وهيبه في العدا
لا يغرك لولي جناح حر، وفك حوت
ينحني قلبي مع الغصن اذا طیره شدا
والله اني ما اتجاوز دموعه لين اموت
فوق خدٍ كن في ورده الابيض ندی
دمعة اللي قام يذكر ذنوبه في القنوت
الين جا لبكاه بمكبر المسجد صدی
ما بكى من شین فعله، بكى ظلم البخوت
نفترق ولا اجتمعنا على نية ردا
وش يموَتنا من الجوع دام الوصل قوت
وش يضيعنا وخطواتنا على قدا
قال: أنا فرصة عمر كیف تتركها تفوت
قلت: لا صارت لمصلحتك الدنيا فدا
اتقیوی واتصنع لو أن الصبر موت
وكل ما قالوا لي اشتقت قلت إلهم: بدا
وانا لولا النقد حاكیت جدران البيوت
ما لمحتوا خشف ريم من يديني غدا