‏أبيك الله لا يكتب بعادك
‏ولا يفجع فؤادي من عنادك
‏تحديت الظروف والف عنوه
‏ومثلي يكرم يمرّ بمزادك
‏تبيع اللي تبيعه من حلالك
‏انا صفقة حياتك وامتدادك
‏ابيك اللي حبيبي يا حبيبي
‏واجي عونك ومأواك وحصادك
‏ابيك اللي على ذوقي وشفي
‏وابيك اللي تخيَّرني زنادك
‏وابيك اللي على لقياي صامل
‏وتغْنيني حفاوه من ودادك
‏ابيك اللي تحدا ناس واجد
‏لاجل تثبت لهم اني عتادك
‏ابيك اللي لياقالو تبيها؟
‏تقول اني جوازك في بلادك
‏وعلمهم من العزوه بضيقك
‏ينقّصهم غلاك وانت زادك
‏كبر قدر وكبر هقوه وقيمه
‏يا وهبه من الاهي يوم جادك
‏فعوّضني عن الللي راح واللي
‏يكبّرني بعيني من مدادك
‏لان اله سخررررررني لروحك
‏ويكفيني اجي غاية مرادك
‏فلا فادك عنادك وابتعادك
‏ولا غيري يجي ربعي وفادك!
حنان العجمي