العذر ماني على بعض الكلام مغصوب..
‏كم كلمةٍ في جدار الصمت علّقتها
‏والكلمة اللي تبرّت من لسان الكذوب..
‏تراني أكذب منه لا قلت صدقتها
‏مدري وش أقول يا حضرة وساع الدروب..
‏إلا أني الأرض في عيني تضايقتها
‏ما عاد باقي مساحة سلم بين الحروب..
‏لو كان غرّبت راياتي وشرّقتها
‏حتى المشاعر تحت سطوة ثقال الخطوب..
‏تبكي على حالها لين إني أعتقتها
‏يا نفح ورد الشمال اللي هواك الجنوب..
‏لو إن الأحلام في مخباي حققتها
‏ليتك ليا سمعت الأطياب صوت الهبوب..
‏عطيت الأنسام من عطرك ورافقتها
‏وأنا ليا هبت الأشواق من كل صوب..
‏عرّضت صدري شذى النرجس وعانقتها