يا عيوني جفّ دمعك والصعيد الطيّب
في غياب الما حضوره حيلة المتيمم
عقب هلّيتي عليهم من سحابك صيّب
كبّري يا اغلى ما في عمري وانا بااتمم
طيّحي بركوعك اصحيبٍ مداه قريّب
وفي السجود المخطي اللي نتركه ويصمّم
احقني مصل الحياه برفق قبل نغيّب
وانفثي بعض البشر من قلبي المتسمّم
الهموم تشيّب الرجّال قبل يشيّب
والذنوب نخصّ اهلها مانحب نعمّم
البلا بالعالم اللي لا لقوك حبيّب
دمّروك وصرت تمشي خلفهم وترمّم
سجلوني عن مجالس مثلهم متغيّب
يمة ٍ راحوا لها فيها مانيب ميمم
التجارب تصقل المتردد المتهيّب
لين يصبح في ثلاثينه بعقل معمم