الهجر ياشين ساعاته وياشينه
راعيه كنه على جمر الغضى مقلي
وانا من التجربة عمدة سلاطينه

فهمت خطه مابى لوحه تعلق لي
قدام وقته يحل اعرف عناوينه
اربع علامات عن خافيه تنطق لي
اعتاب واهمال تطعني سكاكينه
واوهام كذابه وعذراً يلفق لي
وهجرك تبين لي وثارت براكينه
وقامت مزون الجفا ترعد وتبرق لي
لكن نبع الغلا حيه شرايينه
محييه ذكراك يومنك تشوق لي
قدام ورد الوصل تذبل بساتينه
وقدام نية غيابك لاتوثق لي
وشلون ابصد وابنساك من حينه
وطيفك ليا جئت أبدله عنك يلحق لي
بغيابك الطيف صرت اول مساجينه
حتى طيور الفرح عيت تحلق لي
حبك سلب عقلي وميل موازينه
وانا هوى الغيد ماعمره سلب عقلي
خفيت مع حبك وكلبشت بيمينه
وانا محير كثير الناس من ثقلي
جمالك ايعذب الخفاق من زينه
ماكنه الا على مبغاه يخلق لي
عليك علقت حلمن طالت سنينه
واليوم شمس الأمل ما عاد تشرق لي
أمن اكبر أحلامي اللي ويني وينه
وصالك اللي بغيت ولا تحقق لي