يا قصيدي لا تضايق ولا تفرح عذول
و أخذ صكات الزمان بسعة صدر ومهل
أنت مثل الطيّب اللي جمع طيب وقبول
وواضح وغامض ومتوازن وصعب وسهل
حافظك حفظ التواریخ ذربين الفعول
ومكرمك كرامة اللي على الطالة دهل
إن كتبتك من طرب وإن كتبتك من ذهول
أطرب اللي ما طرب وأذهل اللي ما ذهل
لا يهمك طاري اللي يقول ولا يطول
وشرهة اللي كل ما قالوا ازهلها.. زهل
التشبث بالتواجد على شان الوصول
يشبه التشدد اللي على ضعف وجهل
خل من بينك وبين التمادي والفضول
شومة اللي لاوقف ما بحل ولا وهل
الحضور اللي يجمّل يجي حسب الأصول
والحضور اللي يخجّل ما حنا له بَهَل