إي والله إنّي غريب وفي زمانٍ غريب
وأغرب من الغربة إحساسي بها فـ بلدي
أشره على الوقت وألا الحظ وألا النصيب
وألا على شان خاطر قلبي أذبح فدي
لا صار وجه الزمن يا ملهمة وجه ذيب
اللي ما هو بـ أجودي، لازم يصير أجودي
وألا يسوّي على إحساسه وصدقه صليب
ويحطّ مركاه فوق بساطه الأحمدي
وأنا معي سيفي اللي فـ الأعادي عطيب
والمشكله في عدّوي ما تطوله يدي
لو إنّ صدري على الدنيا وأهلها رحيب
ما ضاق من كلمة الجوزا وصمت الجدي
والكلمه اللي تحت رحمة مقص الرقيب
لو ما وقف دونها ما قلت له سيّدي