من وحشة الفرقا ومن لهفة الشوق
الدمع ياخذ واجبه من عيوني
ليت الليالي بيض وأسلوبها ذوق
واللي نسوني ليتهم ما نسوني
كن الفرح من بين الأضلاع مسروق
يا ليتهم يوم أسرقوه أسرقوني

وشلون وقتي ياخذ المسألة بوق؟
وأنا السمو والمجد والعز لوني
لي راس ما كنه من الطين مخلوق
يرقى ويسقي عزتي من مزوني

أنا إن تعزوا في فطاحلة روق
تطيح هامات الرياجيل دوني
اعداي من تحت أقنعتهم ومن فوق
لو اتعبوا “وراي” ما تعبوني!
متمسكين بـ كل مطرود ملحوق
“وأنا أعرف إني حلم ما حققوني”

اميرة الحمدان