‏الصمت في سلم الهواء والحب يلحقك الملام
‏وتضييعة الفرصه لاجت في وقتها ظلم وغبا
‏كملي وانا أرسلك رسل حتى مع أسراب الحمام
‏واقول بكره يمكن يجينا من الغايب نبا
‏لجل كذا في كل يوم،، وكل شهر،، وكل وعام
‏ببقى على عهد التواصل معك والبعد يهبا
‏وان جيتني بعد البطى على العتب قلنا السلام
‏ما عاد نفتح للمعاتب باب ما حنا اغربا
‏خذني على جنحان حبك فوق لمتون الغمام
‏وعطني شعور الأمن المرتاح في مسجد قبا
‏الحب غصنٍ لا طرقه الشوق يحتاج اهتمام
‏وبالاهتمام يعيش ويظلل لو الأرض شهبا
‏وخلك عهد الوفاء والحفظ لـ أسرار الغرام
‏اللي خذيناها على نفسنا بريعان الصبا
‏لا تعطي العذال فرصتهم بترديد الكلام
‏لان العواذل هرجهم قتال وحكاهم وبا

جملاء