حتى النخل صفق جريده مع السرب
‏والبرق سوطٍ لبّس .. الغيم دبله
شاعر يكتب الشعر لذاته، يتفنن في نقش قصيدته وإحساسها، ويلبسها الثوب الذي يريد، حاز على إعجاب الكثيرين

‏يهب ريح الوصل وانساق له غرب
‏ويرتع ورى جيان الأضلاع بـ ابله
‏مع كل ضيقه اندفع لآخر الدرب
‏وتسجد جوارح روح الأشواق قبله
‏حتى النخل صفق جريده مع السرب
‏والبرق سوطٍ لبّس .. الغيم دبله
‏جهم الليالي تفرك خشومها جرب
‏لين السحاب يعاتب القاع / وبله
قدام لا متن الشقى يلحقه / كرب
عين الرضا من ضيم الأيام ذبله
وبير الهوى ما عاد في جمته / شرب
قبل الدلو/ لا ينقطع عنه حبله ..
ويوم العذر مغموس بالمنطق الذرب
ما حرك بـ مسمع هل العشق طبله
يبكي على الأطلال من فارق القرب
اللي كسر مع قوس الأحلام / نبله
ويشكي نهار مفارق عيونك / الحرب
منهو وقف في موقفً ما حسب له