مليت القلب غلطات وحنين وحيف
وعاد القلب لين الحين ما عافك

شاعر يكتب أفكار قصيدته المختلفة بريشة التميز، وبساطة الأسلوب الصعب.. سعد علوش خص “الرياضية” بهذا النص الجديد..
حبيبي الأولي شكرًا على التشريف
مهب عاش اللي شافك.. مات من شافك
خطاويك قصرت كنها ليالي الصيف
ولا ألوم الشتا لامرّك وطافك
دفاك يكذّبه ياسيد التسويف
وعودك عادها في ذمة أحلافك
أنا أدري إني أحبك بس مدري كيف
أحب أسلافك وأسلاف أسلافك
مليت القلب غلطات وحنين وحيف
وعاد القلب لين الحين ما عافك