الدمعه اللي طوّقت لحظة الياس
مرّت على كحل الشتات وخذتني
عاتبتها.. سالت وصارت لي لباس
وفي داخل آيات العذاب طرحتني
قاومتها.. حطّت على الليل حرّاس
أسقيتها كل العتاب وسقتني
في نزفها قوّة وفي نزعتي باس
جاذبتها لين كبرت وذبحتني
ياللي بعثت الشوق مرقب وعسّاس
ترا الثواني مع غيابك نوتني
ليلي حروف ونبض خفّاقي إحساس
ليت الأماني في عيونك رمتني
لا تحسب الأشواق للعشق مقياس
مقياس عشقي عبرتي لا لبستني

نفود الصمت