2020-10-19 | 00:20

قلبي

مسلط بن سعيدان
مسلط بن سعيدان
مشاركة الخبر      

مواصفات الزين جاته طوع
تقول في تكوينه مخيّر
شاعر يكتب إحساسه وفق التقاطاته السهلة الممتنعة، يكتب ليعيش الإحساس المتدفق من خلال نصوصه.. مسلط خص “الرياضية” بهذا النص الجديد.


أنا خذا قلبي معتّق نوع
غالي ثمن وأوصافه تحيّر
اللي جمع زين وحلا وطبوع
الفاتن اللي عاده صغيّر
غروٍ عليه من الغزال رموع
عاتق وعين وصدة مذيّر
والشبعه اللي في طرفها جوع
والحاجبين ووجهه النيّر
مواصفات الزين جاته طوع
تقول في تكوينه مخيّر
لا شفته أغني وأنا مفجوع
“سيّر علينا ياهوا سيّر”
والوادي اللي بالحيا متبوع
دونه سباع وملعنة خيّر
ياقو قلبي لين لاعه لوع
عز الله أن ابن آدم مسيّر
تدري وش الغريب في الموضوع
علاقتي به عمرها قصّير
وماهو با أنا اللي يندفع فـ أسبوع
أكيد فيني شي متغيّر