ياحبيبي والبكا هم المحاجر
بالدموع أبرد مناديلي كويته
آه من صوت ترك كل الحناجر
وانتثر في دفتري شعر وقريته
كل هذا.. وأنت قاسي قلب هاجر
ماهداك الله واخذت اللي عطيته
صاحبك لين حشا والحسن فاجر
من لمحته قلت جاك اللي بغيته
من غرامك في غلاك أرحل واهاجر
وإن ضواني ليل من يمك سريته
لا تزيد طعوني أوجعت الخناجر
ما بقي عرقٍ بقلبي ماثنيته
لو عيوني غيم وأهدابك محاجر
ماظما رمشك تحت دمعٍ بكيته