خلاص بطلت لا أسمع ولا أتكلم
ما غير عينٍ تشوف ويدٍ قصيرة
طفلٍ حبا في خفوقي كان يتعلم
كنت أعشقه حيل بإحسانه وتقصيره
طفلٍ يلم بجنونه شي ما ينلم
علمني الصدق ولا صدق والحيرة
علمني اجتاز ليل داخلي ظلّم
واكتب على الغيم عشق وسالفة ديره
ياما همس في خفوقي ليه تتألم؟!
والشعر ثنتين ياشره وياخيره
والشعر مثل الشجر يثمر ويتقلّم
وإن حركوا هالشجر طارت عصافيره
ابا اتكلم وطالت بي وانا اتحلم
والوقت ما يملك إلا الوقت تفسيره
يا سود الأيام منهو كان يتظلم
من شاعر كان همه للبحر سيره
من شاعر للفنا يهذي ويتكلم
والشعر عينه تشوف ويده قصيرة