خيّرت لي عن طرق واخترت لي طـرق
طرق الهنوف اللي ذبحنـي بطرقـه
إما حرقني حرق ولَّا أحرقـه حـرق
وإن ما حرقته له نظامٍ يحرقـه
ما عشت بالحيلة ولا عشت بالدرق
ولا تهمت في درقا ولا جبـت درقـة
ويا ضلع وين الورق ما مرك الورق؟
اللي عيونـه تسـرق النـوم سرقـة
اللي يخيل البرق لو مـا بـرق بـرق
وين السحاب ويـن غيمـه وبرقـه
عنا بحر غربي وعنـا بحـر شـرق
وخفر السواحل بين غربـه وشرقـه
على قوارب بيـض وعيونهـا زرق
متوقعين إنه تجـي فيـه غرقـة
والرب واحد والبشـر بينهـا فـرق
يبيـن فـي دينـه ودنيـاه فـرقـه
والطيب زرقة رمح وإن ما رقيت أرق
قبل تموت وسبـّت المـوت شرقـه