يذكرك من يحّب مهذبين الكلام
وينكرك كل متغطرس ضمير وخبل

شاعر قدّم نفسه بشكل يليق به وحضر بصورة تعكس روح الشعر .. محمد نجر خص “الرياضية” بهذا النص

أشرقي مثل نور الشمس بعد الظلام
وانعشي كل وردٍ من غيابك ذبل
واسفهلّي وطلّي والنفوس الحيام
ودهّا أن الدقايق في حضورك دبل
يا اسمٍ يجمّل الخفرات شرقٍ وشام
كل ما قلت أقول: تضيق كل السبل
لا تلومين من يوليك كل اهتمام
شايفٍ فيك شيٍ ما يشوفه قبل
فيك ثقل وعقل واعي وفيك احترام
والشموخ الحقيقي والحيا والنبل
يذكرك من يحّب مهذبين الكلام
وينكرك كل متغطرس ضمير وخبل