حرام إنه مفرقنا وأنا اللي مقاطع النسيان
وقهر لو ما حصل وصلك وأبيك وكنت تبغاني
شاعر من أبرز الشعراء الذين يكتبون قصيدتهم بطريقة مختلفة وغير مكررة، له أفكاره البكر، وبصمته التي لا تشبه سواه.. محمد الغرير خص “الرياضية” بهذا النص الجديد..

يعيد الوقت بي نفسه ويرجع كل شي ٍكان
ولكن ليه ما جابك حبيبي الوقت من ثاني؟
حرام إنه مفرقنا وأنا اللي مقاطع النسيان
وقهر لو ما حصل وصلك وأبيك وكنت تبغاني
بقى هالشوق بي بعدك وعلى وجهي حنيني يبان
وبقى حبك وسط قلبي وبقى اسمك على لساني
وبقى لي موعد أنتظره مضى عمري ولا هو حان
موقت له.. أنا عمري وعليه العمر ما أمداني
وبقى لك عاشق متيم شفوقٍ منتظر هيمان
وفيّ .. وصادق بحبك وعشانك دوم متفاني
مثل حبه ترى لحبك أبد ما حس أيّ إنسان
حكوا عن عشقه العالم ترى من قاصي وداني
ولكن عاد من يقوى الزمان وغيبة الخلان
إذا شانت مقاديره وعيّا يصير حقاني
مشت فيني السنين سنين ما بين أفراح وبين أحزان
ولقيت إنيّ أنا لا فرحت أو أني حزنت وحداني