يا نور.. ما بعـدك بعيني “مصابيح”
عتمة وأنا كلي “أمل” والرجا فيك
شاعر وإعلامي كويتي غاب عن الأنظار وعن تقديم نفسه، خصَّ “الرياضية” بهذا النص الجديد:

الطيـر يرجـع كل ما شاف “تلويح”
يا طير.. ليتـك تسمـع اللي يناديك
اللي حصل غلطـة وتحتاج تصحيح
أزعلتـك وقلبي زعـل من تجافيك
“عزيز نفس” وبعدك أقوم وأطيح
وش عاد تبغى عزة النفس تكفيك !
واضح ولا عندي من الشوق تلميح
متى تكون إنسان لعيون مغليك
يا نور.. ما بعـدك بعيني “مصابيح”
عتمه وأنا كلي “أمل” والرجا فيك
غبـت وغيابـك يستـفـز المجاريـح
وأنـا على خـبـرك ولاني بـناسيك
ومنين ما هـب الهوى جابتـك ريح
نسايــم الذكـرى تجي عند طاريك