والله إنك عند صدري فـ الصدر
ما على يمناك حي ولا يسار

شاعر يقدم نفسه منذ عقد زمني، شارك في عدد من الأمسيات، وكتب أوبريت “أرض المحبة والسلام” في مهرجان الجنادرية.. خلف الخلف خص “الرياضية” بهذا النص الجديد..

لا تهز الروح ويطير العمر
وش يفيدك لو كفخ مني وطار
قلت لك شبر وتطاولت الشبر
كيف أجل لو قلت لك ممشى نهار
والله إنك عند صدري فـ الصدر
ما على يمناك حي ولا يسار
وسط بنيانه تهيّا لك قصر
لو تشوفه هوّلك طول العمار
والعمر لو ما ظفر بك وش ظفر
والقمر وش خانته لو ما استدار
والطويل من الطويل من الصبر
حيلتي عند الشدايد والكبار
أتسلى و أتلهله وأنتظر
وأتعثر في طرف بشت الوقار
يختلف عقل الرجل لا من سكر
وأنا عقلي ما سكر بك مير طار
والسؤال اللي على بالك خطر
إيه أحبك ما غشى الليل النهار