كل ما زاد اشتياقي له وطال بعاده
رحت أطق أصابعي ولا أكل أظافرها

أميرة الحمدان شاعرة سعودية تخص «الرياضية» بنص جديد يحمل البساطة والجزالة وعمق المعنى الشاعري.
ليت مال الذكريات مع الليال إعادة
ولا تسامرني لنور الصبح وأسامرها
والله إن البعد موحش والوصال عبادة
عين تغفى للوصال وعينٍ يسهرها
الحبيب اللي ما عودني بكثر عناده
والقصايد خابرة طبعه وهو خابرها
كل ما زاد اشتياقي له وطال بعاده
رحت أطق أصابعي ولا أكل أظافرها
مقدر أوصف لكم محبتـه كالعادة
بس حلوة من بدايتها ألين آخرهـا
ودي أعلق على رقبتي صورته قلادة
لا جلس قدمي يناظر في ويناظرها
كل نظرة من عيونه تستحق إشادة
ألا ذيك النظرة اللي معرف أفسرها
من كثر ماني بدور ضحكته وإسعاده
لو كسر وحده من يديني ما قلت أجبرها
ومن كثر ما طبت معه وطاب معي زيادة
صاروا يقولون ساحرتـه وهو ساحرهـا