‏الطواري كل مطلع صبح تسرج قبّا
‏والغلا مثل الشجاع اللي مايثلم سيفه
‏وأنت يا اللي من خلقك الله عسر ومخبّا
‏البرود اللي بدون أسباب؟ وش تعريفه؟
‏كان قلبك من ضغوطات الحياة معبّا
‏وش يقول مكافح الدنيا شتاه وصيفه؟
‏الشعور.. إليّا كبر سنه ما عاد يصبّا
‏لا تطوفه نشوة الحب القوي واعيفه
‏حاكني.. لبى.. معاليق الفؤاد ولبى
‏كل.. شيء ودك اضيفه قله واضيفه
‏فيك.. زين واضح.. جدّا وزين مغبّا
‏يا الأليف اللي تضاريسك ما هي بأليفه
‏أنت.. ما يحتاج لك خطة ورسم اطبّا
‏الله اللي.. راسم زينك كذا من كيفه
‏بس يوم تقول ما عندي عسل ومربّى؟
‏شفتها تلميح وأنت تشوفها تصريفه
‏شاعرك ضيفن لا مرّ اسمه ماهوب يهبّا
‏والعرب ما ترحم اللي ما يوجّب ضيفه
‏‏آه ليت.. الناس بأسرار القلوب تنبّى
‏والله.. أن اولع الدنيا بقطعة ليفه