مخنوق في غربتي وانته نسيم البلاد
وفي كل سكة أمل آثار جرحي نزف
جرحٍ ولا له سوى ضحكة شفاهك ضماد
من عقب لذة وصل طيفك غدا أسوأ خلف
الكِبر حفرة ومفترشة بقطعة سواد
طرف أنا به مع الأشواق وأنت بطرف
في ليل بعد انقسمت اثنين فيهم عناد
عبد الله الساري وعبد الله اللي وقف
ما زال فيني تفاؤل وابتسامة وداد
وفيني يدين الهجر تسكب لهيب الأسف
سلف خفوقي برودك قبل يغدي رماد
وإن كان ينقصك لهفة لهفته لك سلف
الحب كنه بحر طامي وسيع امتداد
ما ينقصه لو منهْ كف التناسي غرف
ما يحنث القلب لونادى بلحظة بعاد
طعم المفارق مثل طعم الممات وحلف
أسرق ولو بس غفوة من يدين السهاد
ولو طيفك المزعج الهادي عليّه خطف
افزّ كنه ضرب مسمار شوق بفواد
يحمل عنا مثل ما تحمل عيونك ترف