بعطيك يامن تسمع القاف ما فيه
اسأل مجرب قبل فحص المداوي
اطلق حجاج الطيب من دون تشريه
وتعب على النادر ترى هو يساوي
وخلك مع الله دوم واطلبه وادعيه
ما يخيب ضنك والأمل والرجاوي
وهرج الملاقف لا تجيبه وتطريه
ثمّن كلامك عن كثير الحكاوي
وسامح خطأ الصاحب وحاول تقديه
ونصح لباب الخير وأهل الفتاوي
ولي ما ترومه لا تقاصي نواحيه
فصل على حجمك ثيابك وساوي
ودايم تركد وكل أمرٍ بتقضيه
ما في العجالة خير ولا غناوي
كرم جنابك من حلالٍ وترفيه
وقلط ضيوفك ع الشحم والقهاوي
جمل ربوعك ورفع الرأس عاليه
وكلمة ونعم اسعى لها وأنت قاوي
وإذا كتبت الشعر ابدع معانيه
هات الجزيل وطب تركيب هاوي
وأهم ما وصيك يا خوك وعنيه
أمك وأبوك تبرهم يا النداوي
وخمس الفروض السعد فيها تلاقيه
وطلب بحسن الخاتمة في الدعاوي