المصريون يهاجمون القائد: إنتا ما بتشوفش غير صلاح
أثار تعليق أحمد حسن، نجم المنتخب المصري السابق، على أزمة اللاعب عمرو وردة وتدخل لاعبي المنتخب في إعادة مشاركته في كأس أمم إفريقيا التساؤلات، وحاول حسن شرح وجهة نظره بعد تساؤل من الفنان نبيل الحلفاوي ورد من أمير عبد الحليم رئيس تحرير موقع في الجول.
وغرد حسن كاتبًا: “أبو صلاح مش طلع بس أقوى من المخدرات، ده طلع أقوى من اتحاد الكرة والمنظومة الرياضية كلها”.
ورد الحلفاوي كاتبًا: “صلاح كان واحد ضمن مجموعة، إنت سبت الفرقة كلها ومسكت في صلاح لوحده ليه يا كابتن؟”.
في حين كتب أمير عبد الحليم: “بالنسبة لي في نقطتين مهمتين لو عايز تحقق أفضل نتائج حتى لو عندك أفضل اللاعبين.. مدرب وقائد.. والحقيقة أن أحمد حسن كان ونعم القائد للجيل اللي كتير بيشوفوه الأفضل في تاريخ الكرة في مصر.. وجود قائد بقيمة أحمد حسن نفتقده جدًا في أزمات زي الموجودة حاليًا”.
ورد حسن على أمير كاتبًا: “حبيبي يا أمير أشكرك على كلامك في حقي ووالله ما أقصد أي إساءة لحد ولا صلاح حتى أنا أقصد صلاح أقوى بعد تراجع المدرب واتحاد الكورة عن قرار العقوبة”.
وانهالت الردود على تغريدة حسن، متنوعة ما بين تساؤلات وانتقادات، وقال مغرد: لا مش هو الوحيد اللي أعلن على الملأ أحمد المحمدي كابتن الفريق أعلن وقال في برامج كمان وحجازي كمان أعلن على الملأ ولا إنت مابتشوفش غير صلاح وبس!!!!!!!!!!!!!!!!!!!، فيما قال آخر: “حجازى أعلن على الملأ والمحمدي وباهر اشمعنى صلاح يا كابتن مصر”.