أنا من اللي كل ماحل المساء
يزعج لهم بين المحاني صوت ذيب
ذيبٍ عقب مامسه الجوع احتسى
للرامي اللي رده الـ رجمه صويب
اليا كساه الليل بـ الخوف اكتسى
وليا اشرقت في عينه الدنيا يغيب
ذكر ضميري لو ضميري مانسى
ملاعب الونات والجرح العطيب
اللي على قلبه بناء الهم ورسى
يشيب من وقته قبل وقت المشيب
لا يارفيقي مالنا معك اجلاسى
الا المروه يوم ماجالك نصيب
لو ماجنيت الا مثل تمر الحساء
شرهة جنابك مالها صدر رحيب
حب الكرامه غير عن حب النساء
واصدق من دموع الحبيب من الحبيب
الناس تفرقها ليا حان القسى
ويبين فـ اللازم من تعده صحيب
ومن طاب فعله قلت له عل وعسى
ومن خاب فعله قلت جعله مايطيب