أنا بين أبين وبين أدور عذر وأسباب
عن اللي يحط الشمس لا نامت بـ عينه
يا بر الامان آمنتك الحب والاحباب
أنا طرقتي بين السحاب وربابينه
ترى الارض مـ آبيها ولا الخيمه أم أطناب
انا شاعرٍ “بيت الشعر” من دواوينه
آبطير وطيْـار الحباري يبن عقاب
يدسم مخاليبه وينفض جناحينه
معي عام الاول قاف قافيه ضرس وناب
ولا شاب والله ينصره باقي سنينه
على إني طرقت الباب الاول من الابواب
الاوراق ضاقت والقلم ينفض يدينه
يا شمس الحياه اللي تباطيتي الغيّاب
حبيبك على موعد لقاه ومحبينه
دعاهم بصوتٍ صادق يخجل الكذاب
وآحساسيسه الحق القطوع لـ براهينه
آنا ما معي عنوان لكن معاي كتاب
بـ دوّر على عنواني .. الا العنا وينه؟
يا حلو العنا لا صار عقبه رضا وإعجاب
وآنا سعد عيني دهشة المبدع بـ عينه
غريب ومعي حاجات تدعو للإستغراب
مع إن الوطن في قلبي وفي شرايينه
ذهابي بلا عوده وادور ذهيبٍ غاب
على ذمة آيلوله وهقوات تشرينه
على وجه حلمي واقفٍ ما حسبت حساب
مشرّف وآبقلط والسعد بيني وبينه
طلبت الله الخيره وصوّرت ضل الباب
على شان آعيش اللحضه بنيةٍ زينه