أكثر سالفة سمعتها في نقاشاتي مع حقين الكورة المتعصبين، أو اللي اعتبرهم عقلاء، هي سالفة أن الهلال فريق مدعوم من لجان اتحاد الكرة، لدرجة أني كنت أبقتنع بهذا التوجه، وطبعًا هذا الكلام مو جديد، وكنت أسمعه حتى من الثمانينيات، لكن بعد اللي صار في قضية كنو، وقضية حمد الله، خلاني أراجع حساباتي، وما أصدق نظريات المؤامرة بعد اليوم.
كثير من الناس اللي ارتفعت أصواتهم في القضيتين، هلاليين أو غير هلاليين، قالوا إن النصر نادي المكاتب، وإنه مدعوم من اللجان، وإنه هو الغلطان، وإن الأحكام اللي صارت تثبت أن اللجان لعبت لعبتها، وأنا مستحيل أصدق أن الأحكام ظالمة، لأنها قانونية وواضحة بشهادة كثير من القانونيين، وأنا بعد أضيف شهادتي على نزاهة لجان الاتحاد السعودي.
وبعد ما سمعت سالفة أن النصر مدعوم من اللجان عرفت أن الهلال طول السنين الماضية كان مظلومًا من تهمة الدعم اللي وصلت لدرجة أن فيه كثير من اللي قالوا الهلال أكثر من دعم، جاء هاللحين وقال عن النصر نفس الكلام..