حي الله اللي مثل شمس النهار الجميل
لو قدمها الغيم يمطر بيّنه بيّنه
تستعذب النود وانسام الهبوب العليل
والاسم من ساس قوم ما هيب بـهيّنة
مهرة عقيد معنزها الحصان الأصيل
في مربط الخيل منها ما بقى عيّنه
اليا أخذت شوط بين الغطرسة والصهيل
اتلين روسن قبل ما كانت بـليّنه
من دونها اللي يروون الرهيف الصقيل
تقلط على اللي ما فاله شين وتشيّنه
اقفت على قلبي اللي مثل قلب القتيل
من شاف قلبي عقب ما اقفت ومن عيّنه؟

سلطان الحويقل