ياللي تعذر بالظروف وبالاشغال
الشاعر اللي ما تحدّه ظروفه
ما هوب لا ناقض ولا هوب فتال
تلقى النعومة والترف في حروفه
دوافع الإبداع ضيقه وغربال
تودع صعيبات الطروق معسوفه
ما جاء التوجد غير من ضيقة البال
من شاعر مهموم همه يحوفه
وان كنت يا بن بجاَ[د في بدع الامثال
أمان جوك قالعن سرب خوفه
ما فيه داعي تفتعل بعض الأفعال
فعل الحقيقه غير فعل البروفه
تزهم شعاع النور في بعض الاحوال
يوم القمر فالليل طوّل خسوفه
وان زاد حرّ الشمس تبغالك ظلال
والظل ما انت بواحد من ضيوفه
ما زالت الهقوه لو الشك ما زال
إنك خليفه والجهود مخلوفه