‏ياصاح لو سولفت ماني بمسرور
‏لاكن لا تبحث خفايا خفايه
‏أخذ الضواهر وترك الحال مستور
‏ولا عاد تنشدني عن الي ورايه
‏تراني أضحك معك والبال مكسور
‏وفالنفس كسر مثل كسر المرايه
‏كسر العضم يجبر لياجاه دكتور
‏لاكن كسر النفس مابه عبايه
غازي بن عون

ماجور يا شاكي من الهم ماجور
‏لو كان ما نعرف فصول الرواية
‏إضحك لو إن الكسر ماهو مجبور
‏ذكرى ياغازي وأنت فوق الوصاية
‏والهم لو ماكان بالخير مذكور
‏جمرٍ يجي للعود فوقه حكاية
‏اسلم وحنا لك يابن عون جمهور
‏أستاذنا في الشعر أنا وزملايه

نايف معلا