نص خاص

يابن الحلال

يحرجني الوقت واتحراك وتطوّل
تخشى محبيك لا تدري عن أحبابك

شاعر يكتب الشعر لذاته، يتفنن في نقش قصيدته وإحساسها، ويلبسها الثوب الذي يريد، حاز على إعجاب الكثيرين.

ماتذكر الحب وحكاية زمان أوّل
يوم إمنياتي توقّفني على بابك
والشوف في دربك المعتاد يتسوّل
ضحكات عينك وسحر الليل باهدابك
يحرجني الوقت واتحراك وتطوّل
تخشى محبيك لا تدري عن أحبابك
ترقى على سلّم العشاق وتحوّل
وانا أتحراك ترقى فوق مرقابك
ان مرّني زول غيرك قام يتزوّل
زولك بعيني وضاع الشوف باسبابك
لين أحرجوني وانا بدروبك أتجوّل
يابن الحلال انت وش تبغى وش جابك
عايشتك الحب قبل الوقت يتحوّل
يافرحة الشعر يوم انه تغنى بك
غنيتك أجمل قصيدٍ ماهو مقوّل
وكتبتك أغلى القصيد وباعوا كتابك