نص
من الذاكرة ينجرح قلب
مساعد الرشيدي
ينجرح قلب.. لكن ترتفع هامه
والله إني لأموت ولا أنحني راسي
لو رماني زماني وسط.. دوامه
العواصف شديدة .. والجبل راسي
أنقل الحزن وأمشي منتصب قامه
قاسي الوقت .. لكني بعد قاسي
وأسمع الحلم يصرخ لحظة إعدامه
رابط الجاش .. ما هز الخبر باسي
عزتي غالية .. والناس سوامه
قلت ما أبيع حتى تقطع أنفاسي
زانت أيام عمري .. شانت أيامه
ما رجيت العزى من رحمة الناسي
من عجز لا يدوس الهم بأقدامه
لازم إنه مع الأيام ينداسي
اقرأ أكثر عن:
شعر وقصيد