العافية
ضيقتي مهيب تطلع مع الدمع السكيب
ضيقتي ما تطلع .. إلا بـوزن وقافيه
كملي أعاني من الضيق وإحساسي غريب
والقريحه طافيه .. والمشاعر طافيه
يشتكي من قلة الوصل والجرح العطيب
من عشق في ظل حكم النوايا الصافيه
لين تصبح كبده من المحبه والنصيب
جمرةٍ لو ضمت .. الثلج تبقى دافيه
يابو وجهِ كنه الشمس في عكس المغيب
الا تصير أرواحنا.. فـ الهوى متنافيه
الحبيب يكون يسعى على إسعاد الحبيب
ما يكون يكرهه .. فالسنين الأفيه
صرت خايف كل ماجيت يمي وش تجيب
وحبنا سماه دخان .. وأرضه جافيه
كان عندك جرح جرحين صبرك لين اطيب
الجروح اللي تسهر عيوني كافيه
أنا مدري ويش أسوي ولا أدري وين أغيب
يوم قمت (تكرر) .. أخطائك المتقافيه
لو ما أخاف من المشاريه وأخشى كل عيب
ولو ما أخاف أجيب لـ الناس كلمه هافيه
كان قلت بـ عالي الصوت في الجمع المهيب
أنقذوني من (جروح الغرام) الخافيه
والله ان أشد الأوجااع لا جيت الطبيب
وقال بعد الكشف مافيك غير العافيه