نص خاص

تحقيق الآمال

يمسح الموج جرّة من وطت رجله على الجال
ما صدق من يقول إن البحر يستحمل البوح
تربك الماء رسايل حلمي اللي وقتها طال
كذبةٍ رجعت كل الأماني ما بها ضوح
جيّتك حلم وأنا أرقب معك تحقيق الآمال
يا الخيار الوحيد اللي بعيني كان مطروح
كنت أشوفك نديم الذكريات بكل الأحوال
آخ يا كثر قربك بالشعور وبعدك شبوح
بروزت صورتك ذكرى السنين بحايط البال
كم تحرّيت تفتح لي يديك.. وتكسر اللوح
يمكن تحس في صبري عليك وكبر الإهمال
بحت لك في غيابك لين صوتي صار مبحوح
في دهاليز صمتك ما لقيت لصوتك ظلال
وين أبلقى ورا القلب المسكّر باب مفتوح
ما بعد جرح فقدك فالعيون دموع تنقال
وأنت لا رحت عني وين عاد من الله تروح
ترمي سهام شرهاتك علي وتقطع حبال
قلبي، وربكة عيوني دليل إن قلت مجروح
وقّفت كل لحظات السنين بلحظة وصال
ما تخيّلت مع سحبة يدينك تسحب الروح