نص خاص

ساعة مدينه

لا تحسب جروح قلبي من غبينه
ما تبعني غير جرحٍ صار فارق
‎سعيد بن هطلاء.. شاعر سعودي يقدم نصًا جديدًا يترجم مشاعره..
لو خذيت من العمر باقي سنينه
قد ثلاثيني على الأبواب طارق
لا تحسب جروح قلبي من غبينه
ما تبعني غير جرحٍ صار فارق
ابتسم لو نظرة عيوني حزينه
ما تقول انّي حزين ولا مفارق
عادني حيٍّ على لهفة حنينه
لو يحتّ من انتظاري غصن وارق
ما فرِقَت من بيننا ساعة مدينه
ودي يسرقها من التوقيت سارق
يوم كان أقرب من يديني يدينه
غارق لو ما اتمسّك فيه.. غارق
يوم لا من غاب عنّي في جبينه
الوعد من بيننا.. لا ناض بارق
راحت الأيام.. مرواح السفينه
ليته أدركها من الأمواج خارق
والعشم لا صار فالماضي رهينه
ما تضوّيه المغارب والمشارق
من تعنّى في عناه.. الله يعينه
لين ياتيه الفرج في صبح شارق
مستحيل تعمّ في قلبه سكينه
من معه ذكرى وعيّت لا تفارق