نص جديد

مشاعري فوضوية

تركتني للسهر والهم والحيرة
وتقول عادي وهي والله ماهي عادي
لو غبت عني دقيقة تشعل الغيرة
غيبتك عني وقود الشك بفؤادي
الموقف اللي حصل وشلون تبريره
وش حدك تحدني للضيم وسهادي
وأنا أعشقك عشق ما حصلت تفسيره
ولا أرضى عليك القلق والشوق فـ بعادي
بعاتبك من غلا وأفضها.. سيرة
مشاعري فوضوية.. والحكي هادي
هذا الحكي ما بقى عندي حكي غيره
ما أقول ظالم ولكن بالهجر بادي
أحّيه لو شفت بعدك كيف تأثيره
أنا في وادي وخلق الله في وادي
خفوقي أوجعته ورأسي تفاكيره
تقول كني مشغل داخله رادي
والحب مثل العمر والصد تقصيره
وأنت وضميرك إذا تبغاه “يزدادي”