بروق الوسم
مرشد البذال
ياعل عدٍ نزل خلـي علـى بيـره
يسقيه مـن مدلهـم النـو هتافـي
يا خذلـه أيـام سايلـهٍ عثاميـره
واللي يشوف المحاجر نقعها صافي
لينن عقب الحيـا تنعـم نواويـره
يصير مشتـا ومربـاعٍ ومصيافـي
اظن في قرب خلـي يامـلا خيـره
والا التفاريق منها القلـب يلافـي
اخاف من ساعه ٍ تقرش مظاهيـره
أن خايلوا من بروق الوسم كشافي
اروح في ديره والزين فـي ديـره
والرود من بيننا ماعـاد ينشافـي
لو اطمع انه يعزيني هـوى غيـره
ماكان حاتيت فرقا زين الوصافـي
دورت عذرى نباها كنهـا الشيـره
مانيب غادي وانا مع سبعه اسلافي
لا شك بيني وبين صويحبي سيـره
كتب علـى نشرهاسلالـك الخافـي
خلا ضميري مثل عش ٍ نزع طيـره
لولا غروق الجبل حول به السافـي
مرشد البذال
اقرأ أكثر عن:
شعر وقصيد