راعي العوجاء

تغطية: راكان المغيري

يفخر التاريخ باسمك يا محمد
لك تفاصيله وصفحاته وتاجه
انت من نارٍ سناها ما يرمد
ما يطفيها الزمان ولا عجاجه
من تعلق في معزي ما يخمّد
وانت تتبع منهجه في كل حاجه
مجد ابوك اللي مع الايام ممد
كوكبٍ تسري على شعلة سراجه
انت من صغرك كما السيف المغمد
سلته فيها من الصبح انبلاجه
يوم دخان الوغى بالجو عمد
في يمين ابو فهد سيف المواجه
اعتزيت وجيت عزمك ما يهمّد
راعي العوجا ولا ترضى العواجه
بالبشاير والفرح جودك يعمّد
للوطن فكرك بدا يثمر نتاجه
في بحر عرفك وزنت الجزر والمد
لين هوّد كل بحرٍ عن هياجه
لك يمينٍ مثل ما تجرح تضمد
ذاك زعلته وذا يضحك حجاجه
في يمينك بحر ما هوب متجمد
ماه عذب ولا خلط عذبه هماجه
نظرتك في عين حرٍ ما ترمد
عند شوفتها من الضيق انفراجه
المواطن يشكر الله ويتحمد
والوطن في طلتك سر ابتهاجه