زعيم السياسة
لشعر مع سيد هل المجد ميعاد
اللي مواكيــره عــروش السياسه
ولي عهد المملـكــه نبـع الامجاد
محمد اللي طاول الغيم راْسه
اللي وقف بالسيف دون أمه الضاد
وصارت مواقيفه مناهج دراسه
يرسي على البيدا مثل شم الاوتاد
ومحنكٍ فيه الدّها والفراسه
ياسيــد التاريــخ ياسيـــد الأسياد
يا منتهى عزم الشباب وحماسه
نظرتـــك للعالــم ثلاثيـــه ابعـــاد
هزت منصات الدول والرئاسة
نظرة بها حلمٍ على الخير معتاد
ونظرة بها عزم وثبات وشراسه
وقفت للطاغي على كل مرصاد
واسقيت عدوانك من المر كأسه
وأُحييت مجدٍ من على عصر الاجداد
ومستقبل الأجيال دعمّت ساسه
رايك لهدات الوغا كيف وقناد
مافيــه رأس الا تطيـــر اعماسه
امر يابو سلمان ونجيك تعداد
كلٍ لَبْس للحرب درعه وطاسه
حنا سيوفك لا حصل بطش وعناد
اضـرب بِنَا موج المعارك وباسه
رهن الاشاره كلنا جيش ورّاد
بأمرك نشوف الحرب رحلة وناسه
ضحكة حجاجك عندنا صبح الأعياد
يـانـادر الـوقـفــة زعـيــم السياســه