الحلوق

لا تعلمني قديم السوالف والجديد
الحياه مجرّبه والرجال مجرّبه
باخص الدنيا وأهلها واعرف إن الجحيد
وادي ما سرّت اسمه لحاه وشربه
والضعيف اللي بطبعه يشوف الذل جِيد
لا يقول العز مرقا وهو ما جربه
واحدٍ همّه من الناس وشلون استفيد
يا سلام الله على واحدٍ ما قربه
الليالي علمتنا القريب من البعيد
والحلوق اللي لسرد الكلام مدربه
ما نلوم الشمس لا ذابت جبال الجليد
من خلقها الله وهي كل شوف تمرّ به
من رضانا كل صبح يتجلّى صبح عيد
ومن رهانا كل مغرور ما ننغرّ به